Rritet papunësia në Itali

Papunësia në Itali u rrit duke arritur në 7.6% në korrik pas gjashtë muajve radhazi rënieje, treguan të enjten të dhënat paraprake zyrtare. 

Rreth 73,000 vende pune u humbën gjatë muajit, raportoi Istat, duke vënë në dukje se shkalla e papunësisë u rrit për herë të parë që nga shkurti. 

Krahasuar me korrikun 2022, numri i të punësuarve në ekonominë e tretë më të madhe të Eurozonës ishte 1.6% më i lartë, me 362,000 vende pune më shumë këtë vit. 

Pavarësisht shifrave të dobëta të regjistruara në muajin korrik, në tre muajt paraardhës, shkalla e punësimit në Itali ishte ende në rritje me 0.5%, kundrejt periudhës shkurt-prill. 

Shkalla e përgjithshme e punësimit prej 61.3% renditet si një nga më të ulëtat në eurozone. Shkalla e papunësisë tek të rinjtë e moshës 15 deri në 24 vjeç pësoi një rënie nga muaji në muaj në 22.1%, krahasuar me 22.2% që u regjistrua në qershor.