Gjykatën e Posaçme të Shkallës së Parë për Korrupsionin dhe Krimin e Organizuar ka caktuar Artan Simonin për mbrojtjen ligjore të Sali Berishës në gjyqin që lidhet me privatizimin e klubit “Partizani”. Vendimi është marrë pas largimit të dy avokatëve të Berishës nga salla. Sipas njoftimit të GJKKO, në seancën e sotme janë paraqitur vetëm dy avokatët e zgjedhur me prokurë të posaçme, av.Sokol Mëngjesi dhe av.Genc Gjokutaj.
Ata i kanë parashtruar gjykatës dy kërkesa: vënien në dispozicion të kopjeve të akteve të hetimeve paraprake të depozituara nga ana e organit procedues, CD-audio të seancës së shkuar gjyqësore dhe transkriptimin e saj si dhe dërgimin e çështjes në Gjykatën Kushtetuese për gjykim incidental, lidhur me interpretimin e nenit 73, pika 2 të Kushtetutës.
Gjykata ka pranuar kërkesën e parë, por ka rrëzuar të dytën. Përfaqësuesit ligjorë të të akuzuarit av.Sokol Mëngjesi dhe av.Genc Gjokutaj kanë vënë në dijeni trupën se për kërkesën për përjashtimin e gjyqtares Irena Gjoka nga gjykimi i çështjes dhe janë larguar nga salla e gjykimit, duke deklaruar se nuk mund të realizojnë një mbrojtje efektive.
Gjykata ka caktuar avokatin Artan Simoni, për të mbrojtur Berishën në vijimin e procesit. Artan Simoni është anëtar i Dhomës Vendore të Avokatisë Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
