Janari dhe shkurti janë muajt e sezonit të gripit. Në Shqipëri janë izoluar tashmë rastet e para me virusin AH1N1, ish virus pandemik, i kthyer tashmë në virus sezonal. Por çfarë shenjash shfaq ky virus dhe a është e nevojshme që njerëzit t’i drejtohen mjekëve në rastet kur ndiejnë se janë prekur nga gripi?!
Sipas mjekes infeksioniste është e rëndësishme që të kryhet vaksinimi ndaj gripit, sidomos te të vegjlit, tek moshat e treta apo tek njerëzit që vuajnë nga sëmundje kronike.
Mjekja bën me dije se në asnjë rast gjatë gripit nuk duhen përdorur antibiotikë, pasi shtohen mundësitë e ndërlikimeve, siç janë encafalitet apo sëmundjet e zemrës.
Për të kaluar sa më lehtë këtë periudhë dhe për të parandaluar marrjen e virusit mjekja këshillon edhe larjen e shpeshtë të duarve, ajrosjen e ambienteve ku qëndrojmë dhe evitimin e vendeve të mbyllura, si dhe pirjen e lëngjeve dhe marrjen e vitaminës D.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
