Probleme shëndeti për presidentin filipinas: Nëse është kancer, më duhet ta pranoj

Presidenti filipinas, Rodrigo Duterte, dyshon se mund të jetë me kancer.

Gjatë një seminari në Manila, presidenti 73-vjeçar tha se është në pritje të rezultatit të disa testeve mjekësore.

Ai u shpreh se ka kryer një endoskopi dhe një kolonoskopi rreth tre javë më parë, por që mjekja e tij i ka rekomanduar ta përsërisë testin që shërben për diagnostikimin eventual të anomalive të traktit tretës dhe zorrës së trashë.

“Nëse rezulton në stad të avancuar dhe është i pashërueshëm, nuk do t’ia zgjas agoninë vetes duke mbajtur detyrën e kreut të shtetit", tha ai.