Një ngjarje e rëndë ka ndodhur mesditën e së dielës në qendër të qytetit të Gjilanit, në Kosovë. Ngjarja ndodhi rreth orës 12:30, në rrugën “Ibrahim Rugova”.
Paraprakisht raportohet se një person ka qëlluar më armë, duke lënë të vdekur dy të tjerë. Po ashtu nga të shtënat janë edhe dy të plagosur.
Policia e Kosovës bëri të ditur se ka shpallur në kërkim autorin, i cili është identifikuar.
Zëdhënësi i Policisë për rajonin e Gjilanit, Ismet Hashani, tha se autoritetet janë vënë në kërkim të të dyshuarit.
“Sot, më 10.08.2025, rreth orës 12:32, dyshohet se ka ndodhur një rast vrasje dhe plagosje me armë zjarri në rrugën ‘Ibrahim Rugova’ në Gjilan. Mjeku kujdestar ka konstatuar vdekjen e dy personave në vendin e ngjarjes, ndërsa dy të tjerë janë plagosur dhe janë dërguar në Qendrën Emergjente në Gjilan për trajtim mjekësor”, tha Hashani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
