Një 27-vjeçar është arrestuar në Itali me akuzën e trafikimit të drogës. Kelton Bici është vënë në pranga nga karabinierët e Olbias, pasi është dorëzuar vetë.
Ai rezultonte në kërkim ndërkombëtar, pas një vendimi të lëshuar nga Gjykata e Kaljarit në maj të këtij viti. 30 shtetas italianë dhe shqiptarë u arrestuan në atë kohë në kuadër të operacionit “Polo Est” në vitin 2013.
Aktiviteti i grupit në të cilin bënte pjesë Bici lidhje me trafikun e heroinës dhe kokainës në aksin Itali-Shqipëri-Holandë.
18 kg kokainë, 4 kg heroinë, një pistoletë tip “Bereta” dhe 30 mijë euro kesh u sekuestruan në atë kohë. Droga e sekuestruar arrinte vlerën 2 milionë euro.
Eugert e Kleton Bici, vëllezër, u akuzuan në atë kohë për trafik ndërkombëtar droge. Ata janë të dy të martuar dhe kanë biznese të ligjshme në zonën ku jetojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
