Disa mund ta urrejnë sepse e konsiderojnë diktator, të tjerë mund ta adhurojnë siç ndodh edhe sot në ish-Jugosllavi, madje edhe në Kinë.
Josif Broz Tito për kinezët përfaqëson ndoshta një paraardhës i atij kapitalizmi shtetëror që Kina po zhvillohn edhe nëpërmjet depërtimit të saj financiar dhe tregtar në kontinentin e vjetër. (Hapi i parë është projekti triliona dollarësh Belt and Road).
Te Tito, kinezët shohin një komunist me përkujtimin e të cilit mund të bëjnë biznes. Më e bindur nga të gjithë duket se është presidentja e kompanisë kineze Z-Run Well Ton, Jiang Ju, e cila me rastin e forumit për turizëm të 16 + 1 (vendet e Evropës Qendrore-Lindore dhe Kinës) në Dubrovnik, më 12 prill, do të bëjë edhe një vizitë në Kumrovec, vendlindja e Titos.
Arsyeja nuk është thjesht një "pelegrinazh" në atë që ka qenë djepi i shokut Tito, por edhe blerja e shkollës së fundit politike të regjimit të Titos, tani e reduktuar në minimum, për 1.6 milionë euro dhe transformimin e saj në një hotel. Jiang Ju, si shpjegon kryebashkiaku i Kumrovec, Robert Šplaj, ka ide të qarta. Me kompaninë kineze, komuna tashmë ka nënshkruar një memorandum bashkëpunimi.
Kompania kineze ka në plan të fokusohet në potencialin që "turizmi i Titos" mund të ofrojë. Kjo parashikon një bashkëpunim me operatorët kinezë, që do të ofrojnë paketa turistike për vendlindjen e Titos dhe ujërat termale në të njëjtën zonë.
Çdo vit 100 mijë turistë
Aktualisht, Kumroveci vizitohet nga 100 mijë njerëz në vit dhe 70 mijë prej tyre vizitojnë edhe muzeun e afërt etnik të Staro Selos. Por znj. Ju (që rastësisht përkon me shkurtesën e federatës që krijoi vetë Tito) duhet të ruhet nga konkurrentët në vendin e saj.
Në fakt, shumë e interesuar për blerjen e ish-shkollës politike të Titos, e ndërtuar në vitin 1981, është edhe një tjetër kompani kineze. Këtë e konfirmon Mario Rendulić, president i Shoqatës kineze të Biznesit të Evropës Juglindore, me një projekt për transformimin e shkollës së mëparshme në një hotel të ri që parashikon një investim prej 30 milionë eurosh, me një kapacitet pritës prej 300 vetësh. Projekti punëson automatikisht së paku 70 persona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
