Ndërkohë që fokusi i mandateve të SHBA-së ka qenë në zgjedhjet për të dyja dhomat e Kongresit, si dhe për postet e guvernatorëve dhe legjislaturat e shtetit, amerikanët po votonin gjithashtu për një numër çështjesh të tjera jashtëzakonisht të rëndësishme për zonat e tyre.
Në Florida, banorët që kishin kryer disa kohë në burgu rifitonin të drejtën për të votuar; në San Francisko, një taksë kontroverse mbi bizneset u miratua për të ndihmuar të pastrehët. Aborti, marihuana dhe të drejtat transgjinore ishin gjithashtu në fletëvotim.
Një numër prej 1 milion e 200 mijë personave të cilët kanë qenë të dënuar në periudha të ndryshme, kanë fituar të drejtën e votës, duke iu falënderuar kalimit të një amendamenti të kushtetutës shtetërore. Ky amendament kaloi me mbështetjen e 65% të votave, duke ndryshuar një rregull që vlente tani e 150 vjet në kushtetutën e shtetit, shkruan “BBC”.
Para këtij votimi, Florida ishte në mesin e vetëm katër shteteve të Shteteve të Bashkuara që në mënyrë automatike ua hiqte të drejtën e votës personave të cilët kishin kryer ndonjë krim që është i dënueshëm me një vit apo më tepër burgim.
Për ta gëzuar të drejtën e votës, ish të burgosurit duhet ta kenë përfunduar plotësisht dënimin dhe t’i kenë zbatuar të gjitha rregullat e lirimit të tyre, përfshirë edhe plotësimin e periudhës për mospërsëritje të veprave penale. Përveç kësaj, amendamenti i përjashton personat e dënuar për vrasje dhe dhunë seksuale.
Mbështetësit e këtij amendamenti për muaj të tërë kishin deklaruar se ndalimi i së drejtës për votim për ish të burgosurit paraqet padrejtësi ndaj personave të cilët tashmë ia kishin kthyer borxhin shoqërisë dhe kjo ndalesë e pengon ripërfshirjen e tyre në shoqëri.
Ata po ashtu besonin se ky rregull i përjashtonte në mënyrë të pabarabartë personat me prejardhje afrikane. Amendamenti ishte bërë pjesë e kushtetutës para 150 vitesh me qëllim të parandalimit të njerëzve me ngjyrë për të votuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
