Nënkryetari i PD-së Luçiano Boçi tha në studion e MCN Live se veç Lulzim Bashës dhe Enkelejd Alibeajt të cilët janë vetëpërjashtuar me veprimet që kanë bërë, të gjithë deputetët e tjerë demokratë janë të pranuar në PD.
Më tej, Boçi tha se PD kërkon ndryshimin e sistemit dhe të kodit zgjedhor në raport me rekomandimet e OSBE.
Hapja e një partie nuk është veprim fizik i hapjes së një dere, apo veprim politik i thjeshtë që ti i jep një detyre dikujt që para ca kohësh ka qenë zë kundërshtues. Hapja është thirrja e gjithë njerëzve që duan ndryshimin, që duan të jenë të përfaqësuar dhe duan të përfaqësojnë.
Nuk duhet gjykuar kush e mori detyrën, X apo Y apo si duhet të merren, janë vendime në bazë të statutit. Ka dhe kundërshti është normale, por nuk duhet të vihen para togës së pushkatimit si vendime që e kanë mbyllur partinë. Kanë realizuar procesin e bashkimit që vazhdon.
Basha është i sforcuar në deklarata dhe kur kërkon të përpiqet të shfaqet si politikan i formuar dhe si qytetar.
Ne duam edhe ndryshimin e sistemit, edhe ndryshimet e kodit zgjedhor në raport me rekomandimet e OSBE. Nëse ndryshimet janë reale, atëherë dhe unë do e pranojë me shumë arsyetim një rezultat që nuk i përshtatetet dëshirave të mia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
