Ideja e presidentit Hashim Thaçi për korrigjimin e kufijve me Serbinë kundërshtohet ashpër nga LDK-ja. Në një prononcim për “Zërin”, deputetja Blerta Gaxherri thotë se kjo është një ide e çmendur. Ajo shprehet se nuk ka bashkëpunim nga koalicioni qeverisës që t’ia bëjë me dije presidentit Thaçi se nuk ka kompetencë të flasë për çështje territoresh.
“Shumica e partive politike në Kosovë nuk e përkrahin një ide të çmendur të tillë. Prandaj ne po mundohemi me gjithë mundësitë që t’ia bëjmë me dije presidentit se nuk ka të drejtë të bisedojë për çështje as të kufirit e as të territorit, sepse për një gjë të tillë kompetent ose të drejtë kushtetuese ka vetëm Kuvendi i Republikës së Kosovës. Për këtë çështje nuk ka vullnet në koalicionin qeverisës dhe kjo është shumë shqetësuese”, është shprehur Gaxherri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
