Kryeministri izraelit Benjamin Netanyahu do të krijojë një kabinet sigurie prej 11 anëtarësh, i cili do të autorizohet që të marrë vendime për qeverinë për çështjet e sigurisë kombëtare.
Politikanët e partisë Likud që do të kenë fuqi vendimmarrëse për çështje shumë të ndjeshme të sigurisë janë: Ministri i Mbrojtjes Yoav Galant, Ministri i Jashtëm Eli Cohen, Ministri i Çështjeve Strategjike Ron Dermer, Ministri i Drejtësisë Yariv Levin, Ministrja e Transportit Miri Regev, Ministri i Energjisë Yisrael Katz dhe Ministri i Bujqësisë Avi Dichter.
Tre vendet e mbetura në kabinetin e Netanyahut, shkuan për Ministrin e Brendshëm dhe të Shëndetësisë Aryeh Deri, i cili kryeson partinë Shas, Ministrin e Financave Bezalel Smotrich që kryeson Partinë Fetare Kombëtare dhe Ministrin e Sigurisë Kombëtare Itamar Ben-Gvir.
Një komitet më i vogël ministror për Agjencinë e Sigurisë së Izraelit do të përfshijë Netanyahun, Ministrin e Drejtësisë Yariv Levin, Ministrin e Mbrojtjes, Yoav Galant, Ministrin e Arsimit Yoav Kisch dhe Ministrin e Sigurisë Kombëtare Itamar Ben-Gvir.
Ministrja e Transportit Miri Regev do të jetë e vetmja grua në kabinetin e sigurisë, përbërja e ministrave do t’i japë Netanyahut një shumicë të qartë që ka të ngjarë të ndjekë drejtimin e tij në votat kryesore.
Ideja pas shtimit të disa prej ministrave ishte që të siguronte një kundërpeshë për Ben-Gvir dhe Smotrich, të cilët konsiderohen të jenë më të ashpër në pozicionet e tyre diplomatike dhe të sigurisë.
Tradicionalisht, kabineti i sigurisë mblidhet rregullisht çdo javë, për të diskutuar operacionet kryesore të vazhdueshme të IDF, Mossad ose Shin Bet (Agjencia e Sigurisë së Izraelit), si dhe çështje të vështira diplomatike, si ndërtimi i vendbanimeve në Bregun Perëndimor.
Pjesëmarrësit e shpeshtë përfshijnë shefin e shtabit të IDF-së, kreun e Inteligjencës Ushtarake, kreun e Mossad-it, kreun e Shin Bet-it, drejtorin e përgjithshëm të Ministrisë së Jashtme, si dhe zyrtarë të tjerë të qeverisë dhe të sigurisë që nevojiten rast pas rasti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
