Ish-presidenti francez, Nicolas Sarkozy, është nën hetim për paratë që financuan zgjedhjen e tij në 2007. Sarkozy dyshohet se ka pranuar paratë e ish-udhëheqësit libian, Muammar Gaddafi.
Dy vjet pas padisë së trefishtë për korrupsion, përvetësim të fondeve publike libiane dhe financim të paligjshëm të fushatës elektorale 2007, të premten u njoftua se po hetohet për "lidhje kriminale".
Pas tre akuzave kundër Sarkozy në 2018, në janar 2020, Prokurori Financiar francez zgjeroi hetimin mbi skandalin e financimit libian, duke përfshirë lidhjet kriminale.
Pretendimet për korrupsion dolën për herë të parë në dritë në vitin 2011, kur djali i udhëheqësit libian Muammar Gaddafi, pretendoi se babai i tij kishte ndihmuar në financimin e fushatës zgjedhore të suksesshme të Nicolas Sarkozy në 2007. Ka pretendime që shteti libian ka dhuruar 50 milion € për Sarkozy, me pritshmëritë që ky nder do t’i kthehej.
Pas fitores së Sarkozy në zgjedhje, Gaddafi vizitoi Francën me ftesë të presidentit. Vizita ishte hera e parë që Gaddafi shkoi në Francë në më shumë se 35 vjet. Gjatë vizitës, Franca ra dakord t’i shesë Libisë avionët 21 avionë Airbus dhe nënshkroi një marrëveshje bashkëpunimi bërthamor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
