Ka kaluar pa shumë zhurmë një raport i Shëndetit Publik të Ontarios (PHO), mbi numrin e të vaksinuarve që janë paraqitur në spital me inflamacion të zemrës pas vaksinimit me ARNi. Mes tyre, numrin më të madh e kanë të rinjtë.
Deri në 7 gusht, kishte 106 incidente të miokarditit/perikarditit te moshat nën moshën 25 vjeç. Kjo është pak më shumë se gjysma e totalit të të gjitha incidenteve të tilla.
Më konkretisht, 31 nga këto raste ishin në moshat 12 deri në 17 vjeç dhe 75 ishin në moshat 18 deri në 24 vjeç. Pjesa dërrmuese - 80% - ishin meshkuj.
Raporti shpjegon se PHO lëshoi një direktivë në qershor për njësitë e shëndetit publik për të shtuar monitorimin ndaj këtij efekti anësor pas raporteve nga Shtetet e Bashkuara dhe Izraeli për raste të ngjashme.
"Shkalla e raportimit të miokarditit/perikarditit ishte më e lartë pas dozës së dytë të vaksinës mRNA sesa pas së parës, veçanërisht për ata që marrin vaksinën Moderna si doza e dytë e serisë (pavarësisht produktit për dozën e parë)," raporti shpjegon.
PHO shton se shkalla e raportimit për inflamacion të zemrës në ata 18-24 ishte shtatë herë më e lartë me Moderna sesa me Pfizer. (Vaksina e vetme që përdoret aktualisht për fëmijët 12 deri në 17 vjeç në Ontario është Pfizer.)
Raporti i PHO përfundon me një shënim se "vaksinat COVID-19 vazhdojnë të rekomandohen dhe janë shumë efektive në parandalimin e infeksionit simptomatik dhe rezultateve të rënda nga sëmundja COVID-19, e cila shoqërohet gjithashtu me rrezikun e miokarditit".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
