Këngëtarja shqiptare me famë botërore Dua Lipa në shoqërinë e kryebashkiakut të Tiranës Erion Veliaj ka zhvilluar një vizitë të shkurtër në ambientet e ndërtimit të një kopshti të ri në Tiranë.
Mësohet se aktualisht ambientet e këtij kopshti janë duke u ristrukturuar pas dëmtimeve të pësuara nga tërmeti i 26 Nëntorit.
Dua Lipa ka mbërritur në Shqipëri për të folur rreth festivalit “Sunny Hill” dhe ndërtimit të këtij kopshti të ri në Tiranë.
Lipa do të jetë e shoqëruar nga babai i saj, Dukagjin Lipa, me të cilin do të mbajë një konferencë për mediat.
Fokusi i vizitës së Dua Lipës në Shqipëri është festivali, i cili u zhvillua për herë të parë në vitin 2018 në Prishtinë.
Ndërkohë, mbetet për tu parë se cilat janë planet e Dua Lipës për organizimin e festivalit Sunny Hill në Shqipëri.
Qëllimi i realizimit të këtij festivali është që të mblidhen para për Fondacionin Sunny Hill.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
