Turqia ka vendosur të pezullojë përkohësisht të gjitha aktivitetet publike dhe të mbyllë kafenetë, restorantet, palestrat sportive, gjithashtu ka vendosur edhe pezullimin e faljeve në Xhami, si një masë parandaluese për përhapjen e koronavirusit në vend.
Turqia, deri tani, ka konfirmuar 18 raste me Covid-19.
Ankaraja ka bllokuar fluturimet edhe me gjashtë vende të tjera, duke përfshirë Britaninë e Madhe dhe Emiratet e Bashkuara Arabe, duke e ccuar numrin e përgjithshëm të vendeve në 20.
Autoritetet nuk kanë njoftuar se sa do të zgjasë kjo masë.
Turqia, të mërkurën, raportoi rastet e para me koronavirus në vend. Që nga ajo ditë, qeveria turke ka marrë masa për të ndaluar përhapjen e virusit, si mbyllja e shkollave dhe universiteteve, mbajtjen e aktiviteteve sportive pa spektatorë dhe ndalimin e fluturimeve me shumë vende.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
