BE do të nisë negociatat me Indinë për një marrëveshje tregtare. Bisedimet në nivel teknik mbi 18 kapitujt e kësaj marrëveshjeje të ardhshme të tregtisë së lirë, një tekst në lidhje me çështjet e investimeve dhe një në lidhje me treguesit gjeografikë do të fillojnë më 17 qershor në Bruksel, tha në një deklaratë ministria e Tregtisë e Indisë.
"Të dyja palët shpresonin të përfundonin marrëveshjen përpara vitit 2024. Pakti do t'i hapë rrugën Indisë për t'i dhënë një shtysë tregtisë me bllokun 27-anëtarësh të BE-së, duke iu nënshtruar ratifikimit nga të dyja palët, përfshirë Parlamentin Evropian", thuhet në deklaratë.
Bisedimet e rinovuara pritet të fokusohen në mallrat industriale, tarifat bujqësore dhe shërbimet, aksesin në tregjet e njëri-tjetrit për mallra dhe shërbime, dhe në kontratat e prokurimit publik, rregullat për pronësinë intelektuale si dhe angazhimet për çështjet e zhvillimit të qëndrueshëm si mjedisi, social, dhe të drejtat e punës.
Megjithëse popullsia e Indisë prej afro 1.4 miliardë banorësh krijon një treg potencial tërheqës, tregtia midis BE-së dhe Indisë ka qenë historikisht e ulët. Tregtia e mallrave arrin një total prej 88 miliardë euro në vitin 2021, dhe tregtia në shërbime që arrin në 30.4 miliardë euro në 2020. BE-ja është partneri i tretë më i madh tregtar i Indisë, pas SHBA-së dhe Kinës, ndërsa Delhi është vetëm numri dhjetë në listën e partnerëve më të rëndësishëm tregtarë të bllokut, të matur me vlerën e mallrave dhe shërbimeve të tregtuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
