Ndahet nga jeta në moshën 90-vjeçare, ikona e ‘Sesame Street’

Bob McGrath, një nga anëtarët e kastit themelues të Sesame Street, ka vdekur në moshën 90-vjeçare, ka njoftuar familja e tij.

“Aktori, i cili ishte në emisionin televiziv për fëmijë për afro 50 vjet, “vdiq i qetë në shtëpi, i rrethuar nga familja e tij”, kanë postuar ata në Facebook.

McGrath u shfaq për herë të parë në Sesame Street në 1969, duke portretizuar mësuesin miqësor të muzikës Bob Johnson.

Kompania e prodhimit të shfaqjes Sesame Workshop tha se ai "mishëronte meloditë e Sesame Street si askush tjetër".

"Performancat e tij sollën gëzim dhe habi për brezat e fëmijëve anembanë botës, qoftë duke u mësuar atyre ABC-në, njerëzit në lagjen e tyre, apo gëzimin e thjeshtë të ndjenjës së muzikës në zemrat e tyre," thuhet në një deklaratë në mediat sociale.

McGrath vdiq nga komplikimet pas një goditjeje, tha vajza e tij Cathlin McGrath për The Washington Post dhe media të tjera.

Aktori, këngëtari tenor dhe autori i fëmijëve ishte një nga personazhet më jetëgjatë njerëzore në rrugën Sesame, së bashku me Loretta Long, e cila luante Susan Robinson.

Episodi i tij i fundit, i titulluar Having a Ball, u transmetua në 2017. Episodi i fundit i Long u transmetua në 2016.

Së bashku me miqtë e tyre të mbuluar me qime, McGrath dhe familja Sesame Street u mësuan fëmijëve gjithçka, nga numërimi deri te mirësia, përmes këngëve të tilla si People In Your Neighbourhood.

Bob McGrath vdiq në shtëpinë e tij në Nju Xhersi të dielën dhe la pas gruan dhe pesë fëmijët e tij.