Victoria Kjaer Theilvig e Danimarkës është kurorëzuar Miss Universe. Kjaer, një avokate për mbrojtjen e kafshëve e cila punon në biznesin e shitjes së diamanteve, mundi Miss Nigerinë në fund të edicionit të 73-të të konkursit në Mexico City, ndërsa Miss Meksika u rendit e treta.
Kjo është hera e parë që një konkurrente daneze fiton Miss Universe.
Konkursi u mbajt në Mexico City Arena, një vend i mbyllur me një kapacitet për 20.000 persona. Mbështetësit brenda bërtisnin dhe valëvitnin flamuj nga vende në mbarë botën.
Ceremonia filloi me 131 muzikantë mariachi dhe këngëtarin Taboo të Black Eyed Peas duke luajtur “Mexicana”, një këngë e krijuar nga Emilio Estefan për konkursin.
Organizatorët thanë se kishte më shumë se 125 konkurrente. Këtë vit për herë të parë u përfaqësuan disa vende, si Bjellorusia, Eritrea, Guinea, Makau, Maldivet, Moldavia dhe Uzbekistani.
Kjo është hera e tretë që Meksika pret Miss Universe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
