Grupi parlamentar i PD-së së Rithemelimit, përmes një shkrese drejtuar Eduart Shalsit i ka kërkuar mbledhjen e Komisionit të Ekonomisë dhe Financave dhe zhvillimin e një seance dëgjimore.
Në shkresë vihet në dukje se afro 100 mijë qytetarë mund të jenë prekur nga skema mashtruese e mikrokredive nga shoqëria “Micro Credit Albania”.
Në shkresë thuhet po ashtu se: “ajo që të bën përshtypje është se si kjo skemë mashtrimi dhe abuzimi, e cila ka filluar që në 2015-ën dhe ka vazhduar për 8 vite, e pashqetësuar, megjithëse denoncimet e qytetarëve dhe të mediave kanë qenë të shumta”.
Deputetët vënë në dukje se heshtja dhe indiferenca e institucioneve lidhur me këto skema imponon llogaridhënie dhe përgjegjësi para ligjit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
