Belgjika ka mbyllur një reaktor bërthamor, pa marrë parasysh se mund të ketë reduktime të energjisë gjatë këtij dimri.
Belgjika varet për gjysmën e kërkesës së saj për energji nga shtatë reaktorë të vjetruar bërthamorë që operohen nga Engie, kompani franceze.
Mbyllja e një prej katër reaktorëve në centralin Doel është hapi i parë që shteti të heqë dorë krejtësisht nga reaktorët bërthamorë deri në vitit 2025.
“Me rrezikun e reduktimeve në Francë gjatë dimrit, me Gjermaninë që po largohet nga energjia bërthamore pavarësisht se po i mbarojnë furnizimet me gaz, ne e dimë se do të përballemi me sfida të mëdha”, tha ish-ministrja belge e Energjisë, Marie-Christine Marghem.
Megjithatë, operatorja shtetërore e energjisë në Belgjikë, Elia, tha se nuk pret që të ketë shkurtim të furnizimeve.
“Ne kemi kapacitete të mjaftueshme gjeneruese të energjisë për të mbuluar kërkesat”, tha një zëdhënës i kësaj të fundit.
Kriza energjetike në Evropë është përkeqësuar me fillimin e luftës Rusi-Ukrainë, duke shtrenjtuar faturat e energjisë tek evropianët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
