Muzika që shoqëron startin e Windows hyn në Regjistrin Kombëtar të SHBA

<p>Tingulli i startit të softuerit Microsoft Windows 95 bën historinë amerikane.</p> <p>Është ndër 25 artikujt e shtuar në Regjistrin Kombëtar të Regjistrimeve, arkivi që ruan regjistrime të konsideruara me rëndësi kulturore, historike dhe estetike për Shtetet e Bashkuara. Reboot Chime, siç quhet, zgjat pak më shumë se 3 sekonda dhe u kompozua në vitin 1995 nga muzikanti dhe producenti legjendar Brian Eno me kërkesën e Microsoft për lançimin e sistemit operativ.</p> <p>"Këta janë tingujt e Amerikës, historia dhe kultura jonë e gjerë. Regjistri Kombëtar i Regjistrimeve është lista e luajtjes në zhvillim e kombit tonë," tha në një deklaratë bibliotekarja e Kongresit, Carla Hayden. "Biblioteka e Kongresit është krenare dhe e nderuar të zgjedhë këto thesare audio të denja për t'u ruajtur, duke përfshirë muzikë ikonike nga një shumëllojshmëri zhanresh, regjistrime në terren, histori sportive, madje edhe tingujt e jetës sonë të përditshme me teknologjinë."</p> <p>Në Regjistrin Kombëtar të Regjistrimeve janë shtuar edhe albumi i Elton John 'Goodbye Yellow Brick Road,' Amy Winehouse 'Back to Black', albumi me titull i Tracy Chapoman i vitit 1988, albumi historik i Keith Jarrett i vitit 1975 'The Kӧln Concert' dhe muzikali Hamilton.</p> <p>Për Microsoft-in, i cili festoi së fundmi 50-vjetorin e tij, ka një arritje të dyfishtë: mes tingujve të rinj të futur në regjistër është edhe kolona zanore e lojës 'Minecraft: Volume Alpha', shkruar nga Daniel Rosenfeld në vitin 2011. Është vepra e dytë muzikore që lidhet me videolojërat që hyn në regjistër, pas temës së Super Mario Bros në vitin 2023.</p>