Një sasi prej 66 kg kanabis është sekuestruar në Pikën Kufitare Hani i Hotit. Lënda narkotike është gjetur në vendin e quajtur sipër Hidrovorit Hot, Malësi e Madhe. Policia ka konstatuar se disa persona po trafikonin lëndë narkotike në drejtim të kufirit me Malin e Zi.
Pas kontrollit të zonës, efektivët e policisë arritën të sekuestronin në cilësinë e provës materiale 4 çanta, ku në total me një sasi prej 66 kg lëndë e dyshuar narkotike kanabis sativa. Ndërkohë, trafikuesit arritën të largohen.
Policia njofton se vijon punën për identifikimim dhe kapjen e autorëve të dyshuar të përfshirë në veprimtarinë kriminale të trafikimit të lëndëve narkotike dhe vënien e tyre para përgjegjësisë penale. Materialet proceduriale iu referuan Prokurorisë pranë Gjykatës së Shkallës së Parë për Krimet e Rënda Tiranë, për veprën penale "Trafikimi i lëndëve narkotike mbetur në tentativë".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
