Shtrëngatat e shiut kanë bërë që disa lumenj në vendin tonë të dalin nga shtrati dhe uji të vërshojë drejt banesave duke i përmbytur ato.
Në Shijak raportohen dëme të mëdha, si pasojë e daljes nga shtrati i lumit Erzen. Mbi 12 familje, ndodhen të bllokuara si pasojë e ujit që ka hyrë në banesat e tyre.
Në foto shihni një banesë e cila është pushtuar nga uji, ndërsa dëmet raportohen të jenë të mëdha.
Sakaq, koha e keqe e shoqëruar edhe me erë të fortë e shtrëngata shiu ka sjellë probleme në lundrimet detare. Tragetet e linjës Durrës-Bari dhe anasjelltas mësohet se janë nisur me nga 12 orë vonesë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
