GJKKO ka lënë në fuqi masën e sigurisë arrest me burg për administratorin e Universitetit Bujqësor të Tiranë dhe 4 zyrtarë të tjerë të këtij universiteti për akzuën e shkeljes së barazisë në tenderë dhe falsifikim dokumentesh.
Nuk ka ndryshuar masa “arrest me burg” për Edmond Tërthorjan, administrator i Universitetit, Altin Murto, drejtor i fondeve publike, Amarildo Lleshi drejtor i prokurimeve publike dhe Mehmet Qoshja, specialist për fondet, të cilët dyshohet se në bashkëpunim me njeri-tjetrin kanë kryer veprën penale “Shkelja e barazisë së pjesëmarrësve në tendera apo ankande publike”.
E njëjta masë është konfirmuar edhe për Pirro Zogun, drejtues i një subjekti privat i dyshuar për veprën “Falsifikimi i dokumenteve”.
Ndërkohë që Gjykata ka lehtësuar masën e sigurisë nga arrest shtëpie në detyrim paraqitje për 5 të dyshuar të tjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
