Rusia po blen miliona raketa dhe predha artilerie nga Koreja e Veriut për t'i përdorur në fushën e betejës në Ukrainë.
Kështu tha një zyrtar amerikan për CNN duke shtuar se blerja tregon se ushtria ruse vazhdon të vuajë nga mungesa të rënda të furnizimeve në Ukrainë, pjesërisht për shkak të kontrolleve të eksportit dhe sanksioneve.
Zyrtarët e SHBA besojnë se rusët mund të kërkojnë të blejnë pajisje shtesë ushtarake të Koresë së Veriut në të ardhmen.
Irani dhe Koreja e Veriut, të dyja objektiva të sanksioneve të rëndësishme perëndimore, kanë kërkuar të thellojnë lidhjet me Rusinë që kur Presidenti Vladimir Putin filloi pushtimin e tij në Ukrainë në shkurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
