Organizata Botërore e Shëndetësisë ka informuar se numri i rasteve të reja me Covid-19 të raportuara në të gjithë globin ka rënë për të katërtën javë radhazi
Në azhurnimin javor epidemiologjik, OBSH ka deklaruar se mbi 3.1 milion raste të reja të Covid-19 u raportuan javën e kaluar, me një rënie prej 17% nga java e mëparshme. Ky është numri më i ulët i rasteve të raportuara që nga java e fundit e tetorit.
Shtetet e Bashkuara kanë regjistruar numrin më të lartë të rasteve të reja Covid-19, me 871,365.
Sidoqoftë, ka pësuar rënie prej 19% nga java e kaluar. Brazili, Franca, Rusia dhe Mbretëria e Bashkuar ishin gjithashtu midis kombeve që raportuan numrin më të lartë të rasteve të reja në të gjithë botën, sipas njoftimit të OBSH-së.
Nga të gjitha rajonet, Afrika shënoi rënien më të madhe të rasteve (22%), ndërsa Mesdheu Lindor shënoi më të voglin (2%).
Në nivel global, janë regjistruar 105.4 milion raste me Covid-19 dhe 2.3 milion viktima që nga fillimi i pandemisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
