Imuniteti i tufës nuk do të arrihet në 2021, pavarësisht vaksinave. Ky është parashikimi i OBSH-së, i bërë publik gjatë konferencës së zakonshme mbi pandeminë. Drejtori i përgjithshëm, Tedros Adhanom Ghebreyesus, bëri thirrje për "angazhim kolektiv për të siguruar që vaksinimet për profesionistët e kujdesit shëndetësor dhe individët me rrezik të lartë të kryhen në të gjitha vendet brenda 100 ditëve të ardhshme".
Variantet e Covid
"Gjatë fundjavës, OBSH u informua nga Japonia për një variant të ri të virusit", tha drejtori i Përgjithshëm i OBSH-së Tedros Adhanom Ghebreyesus, duke theksuar se "sa më shumë Covid-19 të përhapet, aq më e madhe është mundësia e ndryshimeve të reja te virusi. "Në veçanti, transmetueshmëria e disa varianteve të virusit duket se rritet", edhe nëse, specifikoi ai, "për momentin variantet nuk duket se tregojnë se sëmundja është bërë më e rëndë". Rreziku kryesor është se variantet çojnë në "një valë rastesh dhe shtrimesh në spital, shumë problematike për profesionistët e kujdesit shëndetësor dhe spitalet që janë drejt ezaurimit të kapaciteteve", gjeti ai.
Hetimet në Kinë
Ndërkohë, Kin ka dhënë dritën jeshile dhe ekipin i 10 ekspertëve ndërkombëtarë të OBSH do të jetë atje nga 14 janari. Ata do të mund të fillojnë hetimet në vend për të gjetur origjinën e Covid-19, i cili u zbulua për herë të parë në Wuhan, kryeqyteti i provincës së Hubeit, ku pikërisht një vit më parë filluan të regjistroheshin vdekjet e para nga një 'pneumoni misterioze'. Ndërsa virusi është riaktivizuar në zona të ndryshme të Kinës, mbi 500 000 njerëz janë në izolim në Pekin, Komisioni Kombëtar i Shëndetësisë ka njoftuar se grupi i OBSH, pa specifikuar rrugën që do të ndjekë, "do të kryejë kërkime të përbashkëta në bashkëpunim me shkencëtarët kinezë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
