Avokati Romeo Kara, në “MCN Live”, ka komentuar zhvillimet në lidhje me çështjen e KPP-së dhe vendimmarrjet e Gjykatës së Posaçme Kundër Korrupsionit dhe Krimit të Organizuar (GJKKO), konkretisht për mos pushimin e hetimeve nga GJKKO për kreun e Komisionit të Prokurimeve Publike, Jonaid Myzyri, duke kërkuar një ekspert për vendimet e tij, e sheh si heqje dorë nga përgjegjësia.
Sipas Karas, qëndrimi i GJKKO-së tregon një qasje më të kujdesshme në shqyrtimin e kërkesave të prokurorisë, duke mos i konsideruar automatikisht të mbyllura çështjet hetimore.
Ai shtoi gjithashtu se zhvillimet brenda KPP-së dhe hetimet e tjera që lidhen me këtë institucion tregojnë, sipas tij, një situatë komplekse dhe me probleme të thelluara.
Jemi përballur me retorikën që GJKKO është notere e veprimeve të SPAK, por po del se është rasti i 2 apo 3 që GJKKO kthen vendime. Po tregohen të kujdesshëm.
Deri dje e kam parë Myzyrin si të veçuar, por ne pamë një nga anëtarët e KPP-së, Kreshnik Tërnova, që doli nga KPP dhe hyri në derën e gjykatës; ata janë në dijeni ndoshta. Ndërkohë po hapen hetime të tjera për KPP-në dhe Tërnovën, për lidhjen e KPP-së me super aferën e AKSHI-t dhe ndikimin e tyre të drejtpërdrejtë.
Duket se tani ‘u qelb peshku’ dhe gjykata duhet të jetë e bindur, pra ata mendojnë edhe për të nesërmen. Ky është një institucion që po pëlcet nga aferat, mbase, pra ka diçka profesionale dhe këtë e shoh si një kujdes që kanë gjykatësit e GJKKO-së që të mos bëjnë hapa fals.
Ne dikur, të paktën në vitin 2011 e pas USAID-it, janë ilustruar në mënyrë të suksesshme modelet se si duhet të marrin pjesë njerëzit në prokurimet publike, dhe unë kam bindjen që ato modele as këta të KPP-së nuk i kanë përvetësuar, jo më njerëzit që nuk kanë lidhje me arsimin e duhur. Duke mos qenë të përgatitur, nuk e nxjerrin produktin si duhet, por bëhet fjalë për para.
Pra ata po tregohen të matur me çështjen, sepse edhe pjesa e ekspertëve po na çalon. Për mua, GJKKO dyshon te vendimi për pushim apo pezullim; duket sikur GJKKO ka më shumë besim. GJKKO ka 45 ditë kohë për të parë se ku çedon SPAK.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
