Ministri grek i Financave, Christos Staikouras, tha sot se ai pret që ministrat e Financave të eurozonës të konfirmojnë daljen e vendit nga kuadri i zgjeruar i mbikëqyrjes së bllokut brenda kësaj jave.
Që nga viti 2018 dhe deri në përfundimin e programit të saj të ndihmës financiare, zhvillimet dhe politikat ekonomike greke janë monitoruar nën të ashtuquajturën kornizë të mbikëqyrjes së zgjeruar të eurozonës.
"Një kapitull i vështirë për vendin që filloi në 2010 do të mbyllet dhe Greqia do t'i kthehet normalitetit evropian", tha Staikouras pas një takimi me ministrin gjerman të Financave, Christian Lindner, në Athinë.
"Do të pushojë së qeni një përjashtim në eurozonë", tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
