Një ngjarje e pazakontë ka ndodhur në shtetin grek, ku një 48-vjeçar është penduar pas 25 vitesh për një grabitje të kryer në një bankë. Sipas mediave greke, autori i kësaj grabitje ështëë penduar për veprimin që ka bërë dhe ka vendosur të kthejë paratë e vjedhura.
48-vjeçari që atë kohë kishte arritur të grabiste shumën prej 450,000 dhrahmi nga arkëtari i bankës. Pas disa vitesh, 48-vjeçari mendoi se kishte ardhur koha që të kërkonte falje në mënyrën e tij dhe të kthente shumën prej 1,330 euro në bankë përmes Policisë.
I sikletosur, ai dyshohet se u shpjegoi oficerëve të policisë arsyet që e çuan atë të bënte këtë rrëfim shumë vite më vonë. Për grabitjen specifike të vitit 1996, informacioni thotë se Autoritetet e Sigurimit kishin identifikuar një person tjetër si të përfshirë, i cili përfundimisht doli se nuk ishte ai fajtori.
Mediat, raportojnë se 48-vjeçari përshkroi në detaje se si e kreu grabitjen, duke pretenduar se ishte i vetëm. Ai i dha arkëtarit një shënim në të cilin deklaroi se mbante një pistoletë dhe nën këtë kërcënim, ai arriti të nxirrte paratë. Motivi i grabitjes ishte për shkak të bixhozit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
