OBSH thirrje për auditimin e laboratorëve kinezë ku u identifikua për herë të parë Covid-19

Organizata Botërore e Shëndetësisë (OBSH) ka bërë thirrje për një auditim të laboratorëve kinezë ku identifikuan rastet e para me Covid-19.

Shefi i OBSH-së Dr Tedros Adhanom Ghebreyesus propozoi auditimin gjatë një takimi me vendet anëtare të organizatës.

Ai tha se për të çuar hetimin përpara ishte e nevojshme të kryheshin "kontrolle të laboratorëve dhe institucioneve kërkimore aktive në rajonin ku u identifikuan rastet e para në dhjetor të 2019-ës".

Infektimet e para u zbuluan në Wuhan, një qytet kinez në provincën qendrore Hubei, shkruan Euronews.

Kërkesa e Ghebreyesus vjen një ditë pasi tha se ishte e parakohshme të përjashtohej një lidhje e mundshme midis pandemisë dhe një rrjedhje laboratorike.