Policia turke, që po heton vrasjen e dyshuar të gazetarit saudit, Jamal Khashoggi, i ka zgjeruar hetimet.
Zyrtarët turq thanë se trupi i tij mund të jetë hedhur në pyllin pranë konsullatës saudite në Stamboll.
Khashoggi, kritik i udhëheqjes saudite, u pa për herë të fundit duke hyrë në këtë konsullatë, më 2 tetor.
Turqia dyshon se ai u vra, por Arabia Saudite thotë se nuk di gjë për fatin e tij.
Mostrat e marra nga konsullata saudite dhe rezidenca e konsullit, gjatë bastisjeve këtë javë, po testohen, për të parë nëse përkojnë me ADN-në e Khashoggit.
Turqia ka thënë se ka prova se Khashoggi është vrarë, por ato nuk janë bërë publike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
