Vjosa, Park Kombëtar/ Guri: Memorandumi, fillim i procesit për mbrojtjen e lumit Vjosa (VIDEO)

Ministria e Turizmit dhe Mjedisit dhe Patagonia nënshkruan sot një marrëveshje për projektin përgatitor ‘’Vjosa Park Kombëtar”.

Lidhur me këtë fakt, përfaqësuesja e ECOALBANIA Besjana Guri, në cilësinë e aktivistes për mbrojtjen e mjedisit, e angazhuar në zbatimin e fushatës “Të shpëtojmë zemrën blu të Europës’’ tha për edicionin e “MCN live”, se Memorandumi starton fillimin e procesit për mbrojtjen e lumit Vjosa.

Ajo thekson se qeveria vendosi që Lumi i Vjosës dhe Lumi i Shalës të futen në kategorinë e ‘Parkut Natyror’ dhe se në kategorinë e mëparshme, nuk përfshihej mbrojtja e degëve të lumit.

Me këtë memorandum filloi procesin për mbrojtjen e lumit Vjosa, dhe ky është një hap pozitiv dhe konkret, një angazhim zyrtar i qeverisë.

Siç e kemi thënë, parku natyror ishte një mbrojtje që i ishte dhënë lumit Vjosa, por nuk ishte kategoria e duhur që do duhej të kishte Vjosa, dhe Parku Kombëtar është statusi më i përshtatshëm që Vjosa mund të ketë.

Qëllimi i këtij memorandumi sipas jush është koordinimi i punës me institucionet dhe planifikimin deri në shpalljen e Vjosës Park Kombëtar.

Ishte edhe mungesa e degëve të Vjosës, pjesë e zonave të mbrojtura, prandaj me këtë memorandum janë vendosur disa gjëra shtesë që do të jene edhe përfshirja e degëve që do të jenë pjesë e Parkut Kombëtar.

Kryeministri Rama në korrik 2019, pasi dha rreth 100 leje për ndërtime hidrocentralesh, pranoi në një konferencë për shtyp se HEC-et me kapacitete të vogla prodhimi janë të padobishme dhe të dëmshme. Por për Gurin, HEC-t vetëm emrin e kanë të vogël, porse dëmin e kanë të madh.  

Jo, HEC-et e vogla, duke qenë se janë të vogla dhe kontributi i tyre në prodhimin energjetik është aq i vogël, sa që nuk kanë pse te vazhdojnë të ndërtohen, ky ka qenë edhe mesazhi pas asaj sepse HEC-et e kanë emrin e vogël por dëmin e kanë të madh.

Në momentin që do të shpallet Vjosa Park Kombëtar, ato do të hiqen.