Një person është “neutralizuar” pasi sulmoi disa persona në një stacion treni në Paris.
Ministri i Brendshëm Gerald Darmanin konfirmoi se një burrë kishte plagosur disa njerëz në Gare du Nord këtë mëngjes.
Mediat franceze, duke cituar burime të paidentifikuara të policisë, thanë se oficerët hapën zjarr ndaj agresorit, i cili ishte i armatosur me thikë. Si pasojë e sulmit mbetën 6 persona të plagosur.
Një perimetër sigurie është vendosur në vendngjarje, ndërkohë që stacioni hekurudhor vijoi të funksiononte normalisht.
Gare du Nord është një nga stacionet më të ngarkuara të trenit në Evropë dhe lidh Parisin me Londrën dhe Veriun e Evropës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
