Shkencëtarët e universitetit të Tel Aviv-it kanë paraqitur zemrën e parë në miniaturë në botë në 3D me lëndë njerëzore. Lajmi erdhi sot nga Izraeli teksa shkencëtarët kanë paraqitur prototipin e miniorganit. “Është hera e parë që ndërtohet një zemër e plotë me qeliza, enë gjaku, barkushe e dhoma”, ka shpjeguar profesori Tal Dvir, që ka udhëhequr kërkimet dhe që foli për punën e bërë në një konferencë për shtyp.
Studimi është publikuar në revistën “Advanced Science”.
Ky hap përpara është i rëndësishëm, pasi deri tani, shkencëtarët nuk kishin mundur ta ndërtonin një model të tillë me enë gjaku. Një tjetër aspekt i rëndësishëm është mundësia për ta krijuar zemrën me qeliza dhe lëndë biologjike të pacientit, duke eliminuar kështu rrezikun e refuzimit.
Shkencëtarët thonë se ky është një hap madhor në inxhinierinë biologjike për zëvendësimin e organeve të sëmura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
