Nëse keni dhimbje koke dhe po kërkoni lehtësim të menjëhershëm nga dhimbja e zakonshme e saj, kini parasysh se një qetësues i thjeshtë dhimbjesh si aspirina, paracetamoli ose ilaçet anti-inflamatore jo-steroide do t’ju lehtësojnë. Megjithatë, përpara se të përdorni ilaçe kundër dhimbjeve, është mirë të provoni alternativat e mëposhtme pa përfunduar te ilaçet:
-Masazhoni pak qafën.
-Shmangni stimujt që mund të përkeqësojnë gjendjen tuaj, si zhurma, era, drita e fortë dhe alkooli.
-Pini shumë ujë i cili mund të zvogëlojë intensitetin e dhimbjes së kokës.
-Vendosni një kompresë të ftohtë në ballë për dhjetë minuta. Një dush i ngrohtë mund të ndihmojë gjithashtu, ndaj eksperimentoni me atë që funksionon më mirë për ju.
-Përpiquni të relaksoheni, merrni disa herë frymë thellë dhe dilni në ajër të pastër.
- Provoni një pije qetësuese. Hulumtimet kanë treguar se çaji i xhenxhefilit, kamomilit ose livandës mund të sigurojë lehtësim.
- Nuhatni një vaj esencial. Aroma e livandës konsiderohet qetësuese.
Ndërkohë nëse ushtroheni rregullisht me një ritëm të butë, do të vini re se dhimbjet e kokës janë më pak të shpeshta dhe më të lehta. Por shmangni ushtrimet e shpejta dhe intensive, pasi ato janë një faktor që nxisin një atak migrene.
Konsumimi i shtuar i kafesë mund të përkeqësojë gjithashtu një dhimbje të thjeshtë koke. Megjithatë, shumë të sëmurë nga migrena përfitojnë nga kafeina dhe kjo është arsyeja pse disa qetësues dhimbjesh kombinohen me kafeinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
