Në Gjermani është arritur një marrëveshje e re për formimin e qeverisë së ardhshme, nën drejtimin e kancelarit të ardhshëm Friedrich Merz nga CDU.
“DW” raporton se pakti parashikon politika të reja migracioni, ku përgjysmohen kuotat e lejeve të punës për qytetarët e Ballkanit Perëndimor.
Më konkretisht nga 50.000 që u vendos vitin e kaluar, kuota tanimë do të jetë 25.000.
Marrëveshja prek mes të tjerëve edhe qytetarët e Shqipërisë, që vitet e fundit e kanë patur Gjermaninë destinacionin e preferuar për të punuar. Gjithashtu ndryshim do të ketë edhe në rregullat për marrjen e shtetësisë gjermane.
Ajo do të merret pas 5 vitesh dhe jo pas 3 vitesh, sikurse është aktualisht. Masat përfshijnë gjithashtu ndalimin e bashkimeve familjare për disa kategori refugjatësh dhe përfundimin e pranimeve vullnetare.
Konservatori Merz e konsideroi paktin si marrëveshjen e duhur për Gjermaninë, që sipas tij jep edhe një sinjal të fortë për mbarë Europën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
