Gjykata e Apelit të Krimeve të Rënda ka lënë në burg ish-kreun e Autoritetit Rrugor Shqiptar, Dashamir Xhika si dhe dy ish-zyrtarët e ARRSH, Albens Alite dhe Aksel Qurduka.
Në seancën e sotme, Gjykata la në fuqi vendimin e dhënë nga Shkalla e Parë e Krimeve të Rënda ndërsa avokatët kanë deklaruar se do t'i drejtohen Gjykatës së lartë.
Arrestimi i Dashamir Xhikës dhe disa ish-zyrtarëve të Rrugëve, përfshi edhe Andi Tomën, ish-drejtor i Përgjithshëm të Rrugëve nga viti 2008-2013, u bë me urdhër të prokurorisë si të dyshuar për një dëm të madh të shkaktuar nga projekti i rrugës Elbasan-Gjinar.
Gjashtë persona të tjerë janë shpallur në kërkim nga prokuroria e cila paralajmëron se do të ketë edhe arrestime të tjera për këtë çështje e cila ndodhet në prokurori prej prillit të vitit 2017.
Në këtë procedim penal akuzohen gjithsej 11 persona për të cilët prokuroria ka kërkuar caktimin e masave të sigurisë në gjykatë.
Ish- zyrtarët e arrestuar akuzohen për shpërdorim detyre dhe për korrupsion në ndërtim e rrugës Tiranë-Elbasan, për një dëm ndaj shtetit, që kap shifrat e rreth 50 milionë dollarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
