Kryetari i shoqatës së Policisë së Burgjeve, Valentin Macaj, mohon që të ketë pasur revoltë në burgun e Fierit, por se ka pasur ngjarje sporadike dhe një problem me një punonjës policie në regjimin e brendshëm.
Nga studio e MCN Live, ai tha se është pompuar politikisht goditja e një punonjësi të rolit të mesëm i cili në orët në vona në darkë po shkonte në banesë.
Por sipas tij, goditja nuk ka pasur lidhje me detyrën në institucion, pasi shërbimi në burgje është cikël i mbyllur dhe se në orarin e punës specialisti i policisë nuk është dhunuar.
Nga ana tjetër Macaj ngre si shqetësim mbingarkesën me punë ne sistemin e burgjeve dhe përballjen e vazhdueshme me kërcënimet.
Jemi informuar për ngjarjen, ka ndodhur në hyrje të godinës së banimit, i cili është i punuare si specialist policie i rolit të mesëm në burgun e Fierit, nuk është shef sigurie dhe as shef edukimi.
Rastin po e ndjekim me interes të veçantë, por pa mbaruar hetimet. Nuk është për shkak të detyrës, por për çështje të tjera se personi që e ka goditur ka qenë i maskuar, po këqyrjen pamjet filmike.
Ka ngjarje sporadike dhe reagime momenti. Të ndaluarit janë gjithmonë shkaku se nuk duan të zbatojnë rregulloren dhe punonjësi i policisë është gjithmonë përballë trysnisë së të burgosurve.
Plus që kemi të bëjmë me elementë të rrezikshëm se burgu u Fierit është burg i sigurisë së lartë.
Një i paraburgosur ka tentuar të godasë punonjësin e policisë, por është ndërhyrë dhe është izoluar personi.
Sistemi i burgjeve është gjithmonë në mbingarkesë pune dhe përballje me kërcënimet, por kanë ditur si t’ia dalin.
Reagimi i institucioneve gjithmonë ka qenë korrekt. Ligjin e bën shteti dhe policia, jo i burgosuri.
Të punosh në polici sot të gjithë janë të rrezikuar nga krimi.
Punonjësit e policisë së burgjeve janë heronj dhe më në fund shteti është bindur se duhen trajtuar me vëmendje të veçantë.
Tre vitet e fundit është dëgjuar zëri ynë i sindikatës dhe se më parë nuk dëgjohej.
Është përmirësuar paga, uniformat, transporti. Paga neto që e fut në xhep më e ulët, është 65 mijë lekë të reja.
Por sipas gradave ka një rritje specifike pagash që më në fund do barazohet me Policinë e Shtetit, të cilët nuk e kanë kurrsesi ngarkesën e policëve të burgjeve.
Është parashikuar në ndryshimet e ligjit vakti ushqimor dhe sigurimi i banesës.
Pjesa që përballen me kërcënim janë me gradën inspektor, kryeinspektor me pagë nga 80 mijë lekë deri në 120 mijë lekë të reja.
Është parashikuar në VKM-në e re, ku do të ketë një numër deri në 50 punonjës të pastrehë në policinë e burgjeve, ku përparësi do të kenë gratë kryefamiljare, që rritin jetimë, apo janë të divorcuara, për kredi të buta.
Tre vite ka që merr pagën e trembëdhjetë policia e burgjeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
