Ministria e Punëve të Jashtme të Kosovës i ka dhënë leje shefit të së ashtuquajturës Zyra serbe për Kosovën, Marko Gjuriç, për një vizitë në Kosovë. Gjuriç do të festojë Pashkët ortodokse me serbët e Kosovës.
Pranimin e kërkesës nga autoritetet e Kosovës e ka konfirmuar zëvendësministrja e Punëve të Jashtme, Rejhan Vuniqi.
“Pa marrë parasysh që është zyrtar, ai sikurse secili pelegrin tjetër e gëzon të drejtën që të lutet në cilëndo kishë që ai dëshiron. Rregullat do t’i respektojë sepse është përballur dhe është njohur me realitetin e ri në Kosovë dhe nëpërmjet tij, me këtë realitet është njohur secili zyrtar i shtetit serb”, ka thënë Vuniqi.
Vizita e dytë e Gjuriçit në veriun e Mitrovicës vjen 10 ditë pas arrestimit të tij. Ai u vu në pranga pasi hyri në territorin e Kosovës pa marrë leje. Pas arrestimit në Mitrovicë, Gjuriç u çua në Prishtinë, nga ku më pas u dërgua në kufirin në Merdar, për t’iu dorëzuar autoriteteve serbe.
Kjo shkaktoi indinjatën e sërbëve të Kosovës. Partia e tyre, Lista Serbe, doli nga koalicioni qeverisës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
