Ish-kryeministri Berisha e gjen në kundërshtim me ligjin praktikën e hartimit të projektligjit të pakicave kombëtare nga një ministri si ajo e Jashtmja. Në replikën e tij me ministrin Ditmir Bushati, Berisha u shpreh se rasti në fjalë është në kundërshtim me praktikën parlamentare.
“Ky është ligji i parë që sillet në Kuvend nga ministri i Jashtëm. Kjo është në kundërshtim me praktikën parlamenatre. Nuk kam asgjë me ligjin. Por ai që e njeh Kushtetutën e kupton se ky ligj nuk mund të burojë nga Ministria e Jashtme. Veprime qesharake, burim i një rivaliteti të klaneve mafioze në qeveri. Pastaj përcaktoni pakicat me emërtesë. Ai që e di si përcaktohen pakicat e kupton që me këtë bën një gafë në kohën moderne. Edhe një herë: kjo që ndodh sot është një aderacion i gjithanshëm që nuk shpreh gjë tjetër veçse përpjekjen për një gjethe fiku….”, tha ai ndërsa kryetari Gramoz Ruçi i ndërpreu fjalën në përfundim të minutazhit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
