Një sulm kamikas ka ndodhur në një restorant në kryeqytetin e Somalisë, Mogadishu. Si pasojë e këtij sulmi, pasojat janë mjaft të rëndë, ndërsa mediat somaleze raportojnë se kanë humbur jetën pesë persona. Ndërsa 19-të tjerë kanë mbetur të plagosur, shumica e të cilëve me plagë të rënda në trup. Mes viktimave, mediat e huaja theksojnë se janë edhe dy policë.
Autoritetet policore janë shprehur se sulmuesi ka hyrë në restorant, duke iu afruar më pas akademisë së policisë dhe e hodhi vetën në erë. “Të plagosurit janë dërguar në spitalin më të afërt, por disa prej tyre kanë plagë serioze”, i ka thënë Mohamer Abdirahman, polic në vendin e ngjarjes, agjencisë së lajmeve, AFP.
Më tej, dëshmitari Abdukadir Hussein është shprehur se në kohën e shpërthimit, në restorant ishin dhjetëra persona. “Shumë nga këta njerëz u plagosën. Personalisht pash tmerrin me sy, pasi trupat e pajetë të dy personave ishin afër meje. Shpërthimi shkatërroi gjithçka”, ka thënë ai.
Deri më tani, askush nuk e ka marrë përsipër përgjegjesinë për sulmin. Grupi terrorist Al- Shabaab që është i lidhur me Al-Kaidën, ka sulmuar shpesh caqe civile dhe të qeverisë në Mogadishu, të cilin edhe e kontrollonte deri në vitin 2011, kur u dëbuan nga trupat ushtarake të Unionit Afrikan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
