Romë, elektriçisti zbulon në tavan tri piktura të Rilindjes

Tri piktura të periudhës së Rilindjes u zbuluan nga një elektriçist në Romë të Italisë, në tavanin e një shtëpie.

Treshja e afreskeve të shekullit të 17-të u gjet rastësisht gjatë punës në një tavan të rremë të Villa Farnesina, një pallat në kryeqytetin italian, ndërsa në ambientet e saj organizohet ekspozitë deri më 12 janar 2025.

Të tre pikturat ishin fshehur mbi kasafortën e asaj që dikur ishte dhoma e ndenjes së Agostino Chigi (1466-1520), një bankier i pasur dhe mbrojtës i Rilindjes që kishte ndërtuar vilën në fillim të shekullit të 16-të.

Një vit më parë, Davide Renzoni, përgjegjës për trajtimin e energjisë elektrike, u angazhua një operacion kontrolli në një zonë ende të paeksploruar.

“Shkova për të marrë një elektrik dore dhe kur e ndeza, gjithçka u shfaq, ishte një mrekulli,” kujton ai për AFP.

Trupi i një engjëlli të mbështjellë në të bardhë del në sfondin e tullave, duke formuar një fragment tjetër të afreskut.

Ndërsa në anën tjetër, pak mbi tavanin e rremë, u zbuluan dy pikturat e tjera.

Kardinali Alexander Farnese në fakt e kishte blerë vilën në vitin 1579, me ambicien e pa realizuar kurrë për ta lidhur atë me Pallatin Farnese, që ndodhet në anën tjetër të Tiberit, dhe ku ndodhet ambasada franceze në Itali.

Vila, e blerë nga shteti italian në vitin 1927, ishte në atë kohë objekt i një pune të madhe.

“Kur ndërtuan kabinën e ashensorit, ata panë me siguri afresket”, i tha Virginia AFP Lapenta, kuratore në Farnesina.