Arba Kokalari është bërë eurodeputetja e parë me origjinë shqiptare.
Ajo është zgjedhur nga Suedia, si përfaqësuese në Parlamentin Evropian në zgjedhjet e të dielës.
“Unë kam hyrë në parlamentin evropian! Faleminderit për të gjithë ata që kanë luftuar për mua!” shkruante deputetja më e re e PE, Arba Kokalari në Facebook pas daljes së rezultateve.
Partia ku bën pjesë edhe shqiptarja fitoi 17.6 % të votave të përkthyera në katër deputetë në PE.
Kreu i PD, Lulzim Basha e ka quajtur këtë një moment historik, teksa me një shënim në faqen e tij në FB, shpreh urimet për Arben, fituesja e mandatit të eurodeputetes për partinë e Moderatëve suedezë, simotrës se PD në Partinë Popullore Europiane!
Arba Kokalari lindi në Tiranë më 27 nëntor 1986 dhe është mbesa e Musine Kokalarit së diplomuar në “La Sapienza” të Romës në vitin 1941, por që u dënua dhe internua më vonë nga regjimi komunist i Enver Hoxhës në Shqipëri dhe vdiq në 1983.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
