Bërxulla protestë për projektin Thumanë-Kashar/ Banorët: Thirrje kryeministrit, të pezullojë punimet, dëmtohen rreth 90 shtëpi (VIDEO)

Dhjetëra banorë të Bërxullës janë mbledhur mëngjesin e sotëm para kryeministrisë për të protestuar kundër projektit të ndërtimit të rrugës Thumanë-Kashar.

Banorët pretendojnë se nuk kanë marrë asnjë njoftim lidhur me projektin, e as për shpronësimet.

Ata kërkojnë që të dëmshpërblehen me çmimin e tregut për tokat e tyre, që preken nga ndërtimi i rrugës.

Banorët në ditën e 45 të protestës shprehet se nuk do ta lejojnë vazhdimin e projektit pa u bërë sqarimi i tyre. 

Këtu nuk ka pasur fare transparencë, nuk dimë as projektin, nuk ka pasur asnjë konsultim me banorët, unë kam kaq vite kryeplak i fshatit, askush nuk na ka konsultuar. Nuk e kuptoj sesi një firmë merr vetëm miratimin e projektit dhe del në rrugë ndërton.

Pika e parë thotë të bëhet konsultimi, një gjë nuk ka ndodhur, por me kë u bë ky konsultim. Shkelja e dytë, projekti u devijua tre herë, është zhvendosur projekti, kapërceu ylberin dhe kërceu në 300 m vijë ajrore.

Nga projekti rrezikohen 20 banesa nga projekti dhe qeveria nuk ka një vendim për zhvendosjen e tyre. Shtyllat e projektit do të prekin mbi 70 banesa të tjera nëse zhvendosen nga zhvendosja e aksit.

Nuk ka pas konsultim publik. Duam të dimë a do të ketë rrugë dytësore. Të vlerësohet me çmimin e tregut sot. Ne nuk do ta lejojmë firmën të zhvillojnë aktivitetin. Ne nuk e dorëzojmë tokën se e kemi tonën me ligj.

Shteti po kërkon të na grabisë tokën tone. Unë do e mbroj sipas ligjit dhe kushtetutës, të paraqiten me leje ndërtime, të më shpronësoje sipas tregut tokën dhe shtëpinë. Leja e ndërtimit aty del mbi pronën time.

Shteti i del garanci firmës, kurse qytetarët i lë në rrugë. Në fund fitimi i firmës del 1.3 milion €, kurse banorët i shkel me këmbë, vetëgjyqësia bëhet më detyrim, ne kemi pronën e certifikuar, shtëpitë më ligj.

Kryeministri të reflektoj me ne dhe të vij këtu për të negociuar, thirrje i bëjmë Ramës që të pezullojë punimet.