Epoka e akullit kundër Moskës duhet të përfundojë sipas shefes së Grupit Parlamentar të së Majtës Gjermane, “Die Linke”, në Bundestag, e cila ka shtuar se sanksionet kundër Rusisë dëmtojnë kompanitë europiane.
Sahra Wagenknesht (Wagenknecht) ka folur për gazetën gjermane Osnabrucker Zeitung. “Është në interesin e Europës të bashkohen dhe të flasin për mënyrën se si mund të arrijmë sigurinë dhe çarmatimin”, tha ajo duke vënë në dukje se sanksionet evropiane kundër Moskës “kryesisht dëmtojnë kompanitë evropiane dhe gjermane”.
Komentet e Wagenknecht erdhën vetëm disa ditë pasi Këshilli i BE vendosi të vendosë sanksione për pesë individë të tjerë rusë për ndihmën e dhënë në organizimin e referendumit të Krimesë në mars 2014. Në total, më shumë se 100 rusë janë vendosur në listat e sanksioneve të BE që nga raundi i parë i masave të miratuara nga zyrtarët evropianë katër vjet më parë.
Kryetarja e "Die Linke" ka folur gjatë në favor të bashkëpunimit me Moskën, duke deklaruar se Perëndimi duhet të rifillojë dialog kuptimplotë me Rusinë dhe duke shtuar se vendi duhet të ftohet për t'u kthyer në G7.
Kryetarja e Partisë së Majtë gjermane nuk është e vetme në opinionin e saj. Presidenti gjerman Frank-Walter Steinmeier foli kundër demonizimit të Rusisë në prill. “Ne nuk mund ta deklarojmë Rusinë në tërësi, vendin dhe popullin e saj, si armik”, tha ai. "Historia jonë flet kundër dhe ka shumë rrezik në këtë drejtim”
Ky opinion mbështetet nga shumica e gjermanëve, sipas një sondazhi të kohëve të fundit të kryer nga Instituti Forsa në emër të grupit Wiese Consult. Më shumë se 90 për qind e gjermanëve të anketuar thanë se duan marrëdhënie më të mira me Rusinë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
