Të shtëna masive në New Mexico,3 të vrarë dhe 14 të plagosur

Tre persona u vranë dhe 14 të tjerë u plagosën pas të shtënave masive të premten në shtetin amerikan të New Mexico, sipas autoriteteve lokale.

Ngjarja ka ndodhur në një park në qytetin e Las Cruces, rreth orës 22:00 me orën lokale, bën me dije policia e Las Cruces në një postim në rrjetet sociale.

Dy 19-vjeçarë dhe një djalë 16-vjeçar humbën jetën si pasojë e të shtënave me armë zjarri. Ndërkaq të plagosurit janë të moshave nga 16 deri në 36 vjeç.

Autoritetet nuk kanë bërë ende me dije identitetet e viktimave, ndërkohë që një hetim ka nisur mbi ngjarjen. 

New York Times raportoi se në vendngjarje po mbahej një event mujor të të apasionuarve pas makinave të modifikuara sportive.