500,000 doza të tjera të vaksinës kineze "Sinopharm" kanë mbërritur në Serbi.
Siç u njoftua nga Presidenti Aleksandar Vuçiç ditën e djeshme, u siguruan edhe 88.000 doza të tjera të Pfizer të cilat do të mbërrijnë në 15 dhe 22 shkurt, 42.000 në rastin e parë dhe 46.000 në rastin e dytë.
Gjithashtu ai bëri me dije se deri më 20 shkurt, 125.000-150.000 vaksina AstraZeneca do të mbërrijnë në Serbi, për të cilën është nënshkruar një kontratë, ndërsa kujtoi se 50.000 doza shtesë të vaksinës ruse tashmë kanë arritur në Serbi, ndërsa doza të tjera do të mbërrijnë për 15 ditë.
"Deri në fund të shkurtit, ne do të kemi gjithsej dy milion doza të vaksinave, të cilat do të përdoren për të vaksinuar miliona qytetarë”, tha Vuçiç.
Nga ana e saj edhe Kryeministrja Ana Brnabić deklaroi se Serbia, me 500,000 vaksina kineze që mbërritën mbrëmjen e djeshme, ka një total prej deri në 1.5 milion doza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
