Politologu Roland Bejko, deklaratën e drejtuesit politik i Partisë Demokratike, Belind Këlliçi nga protesta e sotme se brenda bashkisë së Tiranës janë duke u manipuluar provat, e sheh si shumë të rëndë.
Duke folur nga studio e lajmeve në MCN TV, ai tha se një akuzë e tillë i duhet drejtuar drejtësisë, duke deklaruar se SPAK është futur rëndë në bashkinë e Tiranës.
Nga ana tjetër Bejko shtoi se ka zëra se kryebashkiakut Erion Veliaj, i është bllokuar pasaporta.
Nëse ka prova që në bashki po manipulohen provat kjo është një gjë shumë e rëndë.
Nëse SPAK i merr dokumentet nga zyra e vetë Veliajt, i çon në Fier dhe i firmosin drejtorët, nuk ndodh.
Se SPAK nuk kontrollohet nga vetëm disa prokurorë, aty është prezenca e shteteve partnere sidomos SHBA, në dosje të caktuara.
Nuk e kuptoj protestën para bashkisë me 50 vetë, se zoti Veliaj është nën hetim.
E këndon gjeli i madh këtë lloj kënge që prokuroria është e inkriminuar dhe më pas të tjerët.
Nuk mund të flitet me këtë gjuhë për strukturën e cila ka 90% të të ndaluarve që i përkasin politikës, vijnë nga krahu i Partisë Socialiste, dhjetëra dosje e lidhin politikën me krimin.
Janë konstatuar bashkëpunime me banda të caktuara nga kryetarë bashkish, deputetë, është një strukturë e tërë partiake në burg.
Të dalësh të thuash që SPAK është organizatë kriminale dhe të thuash që t’i arrestoj, kjo nuk ka kuptim, nuk jep vota.
Punonjësit e bashkisë nën akuzë, janë tashmë të ndaluar, kulmi është me dosjen “5D”, SPAK është futur rëndë në bashkinë e Tiranës. Zoti Këlliçi e di rrugën e SPAK.
Nuk jam të them se çdo gjë që bën SPAK është e pakontestueshme, por nuk mund të ecin me të njëjtën gjatësi vale me oreksin politik të njërës palë apo tjetrës, madje unë mendoj se ata nuk e shohin fare ka apo nuk ka protestë.
Ata janë duke ndjekur dosjet. Më parë se opozita ka qenë SPAK që ka zbritur në zyrat e bashkisë si për megaskandalin “5D” apo dhe inceneratorët.
Ditëve të fundit thonë se kryetarit të bashkisë Tiranë i është bllokuar pasaporta.
Ka bërë dhe ndryshime të stafit brenda bashkisë, kërkon të shpëtojë veten.
Po bën ndryshimet, por shpëtimi nuk është zëvendësimi i disa emrave me disa emra patronazhistësh, por largimi i Veliajt.
Ose Veliaj do largohet nga SPAK, ose me zgjedhje në 2027.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
