Koreja e Veriut nuk do të ndryshojë qasjen e saj për ndërtimin e forcave të saj bërthamore, në një kohë të tensioneve rajonale në rritje, tha ministrja e Jashtme Choe Son-hui.
Duke folur në një takim me homologun e saj rus Sergej Lavrov në Moskë të premten, Choe tha se Pheniani duhet të zgjerojë aftësitë e tij.
“Situata aktuale, si dhe kërcënimet dhe sfidat e mundshme, na kërkojnë më shumë se kurrë të forcojmë armët tona strategjike bërthamore moderne, armët bërthamore sulmuese, si dhe të përmirësojmë gatishmërinë tonë për hakmarrje bërthamore. Ju siguroj edhe një herë se vendi ynë në asnjë mënyrë nuk do të ndryshojë kursin e tij për forcimin e forcave të tij bërthamore”, tha ajo.
Choe vuri në dukje se situata në gadishullin korean mund të bëhet shpërthyese në çdo moment, sepse SHBA dhe Koreja e Jugut po krijojnë "një aleancë me një komponent bërthamor" . Kjo mund të ketë një ndikim negativ jo vetëm në gadishull, por në Azinë Verilindore në tërësi, paralajmëroi ajo.
Kryediplomatja pretendoi se SHBA dhe Koreja e Jugut janë të angazhuar në "komplote për të nisur një sulm bërthamor" kundër Koresë së Veriut. Ajo përmendi si provë mbërritjen e një nëndetëse strategjike amerikane në Korenë e Jugut, si dhe disa fluturime të bombarduesve bërthamorë amerikanë mbi gadishullin Korean.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
